Njengomsakazo kazulu, iStudio 7 ipha ithuba abalaleli ukuthi labo bephose elabo kudaba lwezombusazwe osoluhluphe kangaka elizweni. Umlaleli wethu wakuqala enkundleni lamuhla nguMnu Nhlanhla Ncube.
UNcube utshele intatheli yethu uSithandekile Mhlanga ukuthi amabandla e MDC le Zanu PF kumele ahlale phansi akhulumisane ngobuqotho kunkulumo ezilawulwa ngumongameli Thabo Mbeki wele South Africa kulungisiswe udaba lolu ngokuphangisa ngoba abantu sebethwele gadalala elizweni.
Omunye njalo umlaleli wethu nguMnu Ndumiso Mdlalose, yena othi inkulumo lezi kumele zigoqele abenhlanganiso ezizimeleyo labenhlanganiso ezilwela ilungelo loluntu ngoba bebanengi abantu elizweni abangasekeli yiloba yiliphi lamabandla womabili aphatheke kuloludaba.
Uthi lokhu kusobala ngoba abantu abanengi bengavotanga kukhetho olwedlulayo.
