Ibandla leMDC lithi kutholakale isidumbu selunga lalo uMnu Gift Mutsvungunu othunjwe ngeviki edluleyo ngabantu abacatshangelwa ukuthi zinsoli zikahulumende. Isidumbu sika muyi, yena obikwsa ebencedisa kukhetho lukaMbimbitho sitholakele emzini we Kuwadzana East, eHarare, izolo sesonakele.
Isidumbu lesi sibikwa besingasela mehlo njalo besitshisiwe. Ibandla leMDC lithi isihluku esenziwe ukubulala umuyi sitshengisa mgceke ukuthi insoli zikahulumende zizimisele ukwethusela amalunga ebandla leMDC ngokuwabulala.
Kubikwa kutholakale njalo esinye isidumbu selunga leMDC eMutoko
esigabeni seMashonaland East. IMDC ithi inani lamalunga alo asefile kudlakela
lwezombusazwe oluqhamuke ngesikhathi sokhetho lukaMbimbitho selifike kukhulu letshumi elilodwa lantathu, 113.
Ingcwethi ecubungula ezombusazwe, uMnu. Qhubani Moyo, utshele uChris Gande weStudio 7 ukuthi indlala lokufuthelana okuselizweni kulakho ukubangela ukuthi loludlakela luqhubekele phambili ngamandla.
