amalinks wokungena

Breaking News

IRussia leChina Zivimba iUN Ukuthi Yethulele eleZimbabwe Izijeziso Zenotho


Ibandla leMDC lithi imizamo yokwethulela iZimbabwe izijeziso zenotho kwe United Nations kutshengisa sobala ukuthi ugatsha lwe Security Council kaluthathi lula udaba lweZimbabwe. Lelibandla lithi lelinyathelo lanxa lingaphumelelanga litshengisa ukuthi iSecurity Council isikubone kufanele ukuthi kuthathwe amanyathelo ngodaba lweZimbabwe ngoba seluphazamisa ingqubela phambili yezansi yezwekazi le Africa.

I MDC ithi kungasenani sekumele umanyano wezwekazi leAfrica, iAfrican Union isebenzelane lomanyano weSADC ekusunguleni uhelo oluzaletha ukuthula elizweni leZimbabwe. Kunjalo nje uhulunde weZimbabwe uphakathi kokujabula ngodaba lokuvinjwa kwemizamo yokwethulelwa izijeziso zomnotho.

Limizamo ebikhokhelwa ngelemelika leleBhilitane ivinjwe ngamazwe abalisa iSouth Africa, Libya le Vietnam ekhokhelwa yiRussia leChina alamandla okuvimba izingqumo zeSecurity Council. Izijeziso lezi kade zizenza uMongameli Mugabe lamalunga kahulumende alitshumi lantathu engenelisi ukuya emazweni womhlaba angamalunga eUnited Nations lokuthi kuthunyezwe isikhonzi se United Nations eZimbabwe. Ilunga ledale elimqoka leZanu PF, ipolitburo, umnu. Joram Gumbo utshele iStudio 7 ukuthi isingqumo lesi sitshengisa sobala ukuthi amazwe womhlaba ayasekela uhulumende kaMongameli Mugabe.

Ezinye izindaba zeStudio7..

Okuhambelana lalokhu

XS
SM
MD
LG