Imizila yabantu esitshona ibonakala emaBhanga amanengi ayibangelwa yikuthi imali iyasilela elizweni kodwa ibangelwa yikuthi inani lemali evunyelwa ukuthathwa ngumuntu ngelanga ayeneli ngenxa yokuqonga kwentengo yezinto. Lokhu kutshiwo zingcwethi kwezenotho. Uzulu labamaBhizimisi uvunyelwa ukuthatha i One Billion dollars kuphela ngelanga yona engasathengi lutho.
Kodwa uzulu
labamankampani usesenelisa ukuloba amatsheki emali ayifunayo.Eyinye
yalezingcwethi uMnumzana Clemence Sibanda utshele uBrenda Moyo weStudio7 ukuthi kaboni
ibhanga elikhulu lelizwe livumela uzulu ukuthatha imali enengi emabhanga ngoba
kulokusilela kwephepha lokudinda imali.
Kunjalo nje ukuwa komnotho lokwehla amandla kwemali yakuleli sokubangela ukuthi abathengisa impahla koBulawayo bazithengise ngemali yakwamanye amazwe ikakhulu iRand yeSouth Africa. obenguSenator weNkulumane koBulawayo uNkosikazi Rita Ndlovu uthi kaboni umnotho welizwe ulunga masinyane.
Ezinye Indaba ZeStudio7...
