amalinks wokungena

Breaking News

Icele Le MDC-T Liqhubeka Lifaka Imigoqo Kunkulumo Ezilawula NguMongameli Thabo Mbeki


Namhlanje amabandla ezombusazwe agoqela iZANU PF lamacele omabili e MDC abekhangelelwe ukuthi alobelane phansi isivumelwano sokuthi inkulumo ezikhokhelwa nguMongameli Thabo Mbeki weleSouth Africa sezizaqhubeka njani. Kodwa lokhu akusenzakalanga ngoba icele leMDC elikhokhelwa nguMnumzana MorganTsvangirai libikwa lisithi lifuna ukumelela inhlanganiso ye African Union ilethe omunye umlamulankunzi ozancedisana loMongameli Thabo Mbeki.

Icele leli likhangelele ukuzwa ingqubela phambili kumgcinisihlalo we African Union Commission uMnumzana Jean Ping okhangelelwe ukuhlangana kusasa loMongameli Mbeki eSouth Africa. Icele leMDC elikhokhelwa nguMnumzana Arthur Mutambara lithi laloba kukhona lapha elingavumelani khona lelikaTsvangirai, amacele omabili la asebenza ndawonye kulezinkulumo, kutsho umsekeli wesikhulumi salelibandla uMnumzana Renson Gasela.

Kunjalo nje ingcwethi ecubungula ezombusazwe uMnumzana MqondobanziMagonya utshele uBrenda Moyo weStudio 7 ukuthi inkulumo ezikhokhelwa nguMongameli Thabo Mbeki zilakho ukuqhubeka kuhle nxa iMDC kaTsvangirai ingekela ukufaka imigoqo, esithi okwenziwa nguTsvangirai kulakho ukubangela ukungezwani kumbe ukudabuka phakathi kwebandla lakhe.

Ezinye Indaba ZeStudio7...

XS
SM
MD
LG