Umongameli Thabo Mbeki weleSouth Africa namhla uhlangane
lomgcinisihlalo weAfrican Union Commission uMnumzana Jean Ping esigodlweni sakhe
ePretoria, bekhuluma udaba lweZimbabwe. Ngaphambilini uMbeki ubelomhlangano
ofanayo loMnumzana Haile Menkerios isiphathamandla seUnited Nations,oke
wethekelela eleZimbabwe ukuyahlola umumo kungakeziwa ukhetho lwe Run-Off.
Okukhulunywe emihlanganweni yomibili akwaziswanga uzulu.
Kuyonale iviki icele leMDC elikhokhelwa nguMnumzana Morgan Tsvangirai lazise ukuthi selizaphatheka kunkulumo phakathi kwebandla leZANU PF lelinye icele leMDC elikhokhelwa nguMnumzana Arthur Mutambara, lilandela iziqondiso zikamnumzana ping kuphela. icele likaTsvangirai lithi lifuna omunye umlamulankuzi ozaphathisana loMongameli Mbeki,ukuxazulula udaba lweZimbabwe.
Umsekeli wesikhulumi secele leli uNkosazana Thabitha Khumalo, uthi bafuna uPing abenguye ozancedisana loMbeki, kungehlula lokho ingqe omunye ozabe ekhethwe nguPing.
Ezinye Indaba ZeStudio7...
