Lanxa umongameli Robert Mugabe labakhokheli bamacele womabili eMDC, oMnu.Morgan Tsvangirai lo Arthur Mutambara belobelane isivumelwane sokuqalisa inkulumo umanyano we European Union usethulele uhulumende weZANU PF ezinye njalo izijeziso zenotho.
Phansi kwesivumelwano senkulumo zokubumba uhulumende ozaqeda inkinga yezombusazwe elizweni esilotshelwane izolo, IZANU PF ithi kumele i MDC itshele amazwe angentshonalanga ukuthi esule izijeziso zenotho. Kodwa i EU iqhubeke ngezijeziso zayo yengezelela inani labangavunyelwa ukulugxoba emazweni angentshonalanga abangamatshumi amathathu lasikhombisa. Abantu laba bogoqela intathelizindaba ezisebenzela amaphephandaba lemisakazo kahulumende.
Uluhlu lolu beluvele lulabantu abalikhulu lamatshumi ayisikhombisa abagoqela uMugabe ngokwakhe. Izijeziso lezi zigoqela ukuvinjwa kokusetshenziswa kwemali lenotho yamankampani aziwa ngokuthi ngaweziphathamandla zikahulumende. I EU ithi izaqhubeka iqhelisa izijeziso zenotho nxa uMugabe engasukanga esihlalweni wapha uTsvangirai umbuso. Isikhulumi se EU uMnu. Bernard Koucner utshele intathelizindaba lamuhla eFrance ukuthi kumele uMugabe amise udlakela elizweni njalo avumele inhlanganiso ezizimeleyo ukuthi ziqhube umsebenzi wazo wokuphathisa abadubekayo elizweni nxa engafuni ukubona ezinye izijeziso eziqinileyo ukwedlula ezikhona.
Kodwa umsekeli kanobhala obona ngokuqutshwa kwenhlelo zeZANU PF uMnu. Richard Ndlovu ekhuluma loChris Gande westudio 7 uthi izijeziso lezi azisoze ziphazamise inkulumo zamabandla ezombusazwe.
Kunjalo nje, ingcwethi ecubungula ezombusazwe, uMnu. Mlamuli Nkomo ekuxoxeni kwakhe lo Chris Gande westudio seven uthi inyathelo lomanyano we European Union lizakwenza IZANU PF ivuke ngolaka.
Ezinye indaba ze studio …
