Usibakhulu webhanga elikhulu lelizwe ele RBZ uMnu. Gideon Gono ubikwa esithi kunsuku ezinlutshwana ezilandelayo uzakwethula icebo elilohlonzi lokulungisa konke okuhluphayo okuphathelane lemali yelizwe.
Loba engasacacanga ukuthi cebo bani lelo, uthi lizalungisa okuphathelene lesilinganiso semali umuntu oyedwa angayithatha ngelanga ebhanga kanye lenombolo esizizinengi kakhulu ekubizeni imali le.
Kusenjalo, uzulu jikelele uthi uthwele nzima ngoba engenelisi ukukhupha imali yonke ayiholayo emabhanga, yona isiwa amandla nsukuzonke njalo lentengo yemphahla iqonga mihla ngamalanga.
UNkosikazi Anastasia Moyo, umsekeli kamgcinisihlalo wenhlanganiso ye Bulawayo Progressive Residents Association uchasisela uSithandekile Mhlanga we studio 7
ubunzima obubhekana lezakhamizi zalelidolobho ngokuswelakala kwemali.
