Ibandla leMDC lithi lisahlolisisa ukuthi izidumbu ezedlula amatshumi ayisithupha ezisesibhedlela se Harare zingaba zingezamalunga alelibandla na. Unobhala obona ngokuqutshwa kwenhlelo zalelibandla uNkosikazi Sekai Holland utshele iStudio 7 ukuthi bathole imbiko yokuthi kulezidumbu ezingaziwa, ezinye esezilesikhathi zisesibhedlela lesi.
Esikhathini esinengi kuyake kube lezidumbu ezingaziwayo ema motsha kodwa okwethuse lelibandla linani lezidumbu lezi langesikhathi ezitholakale khona. Ibandla leMDC lithi lokhe kuqhamuke udlakela lwezombusazwe ngemva kokhetho sokufe amalunga alelibandla adlula ikhulu letshumi lantathu.
Kwathi amanye amakhulu abasekeli beMDC awazakali ukuthi angaphi. Obona ngokwenzakala elizweni kulelibandla uMnu. Sam Sipepa Nkomo utshele uChris Gande weStudio 7 ukuthi kunzima ukuthi bazisise ukuthi izidumbu ezisesibhedlela seharare ngezabobani ngoba sezonakele.
