Inhlanganiso yababalisi i Progressive Teachers’ Union of Zimbabwe (PTUZ), ithi inengi lezikolo zitshaya ibhungane elizweni ngoba ababalisi lokhu bengenelisi ukuthola imali eneleyo eyokusebenzisa ukuyafundisa ezikolo lezi.
Lokhu sokubangele ukuthi abantwana besikolo labo belove ngoba bekwazi ukuthi abasoze befundiswe, njalo ihlekana elihambayo liyabe lisiyazidlalela nje.
Inhlanganiso le ithi icunulwa yikuthi uhulumende utshele abamabhanga ukuthi benike amasotsha lamapholisa umholo wabo wonke ophakathi kwensuku ezimbili kuphela kodwa wakhohlwa ngababalisi.
Ababalisi abafundisa emaphandleni abakade belande iholo emabhanga bathi lokhu besehluleka ukuqoqa isilinganiso semali enela ukugada bebuyela ezikolo abafundisa kuzo ngoba bevunyelwa ukuthatha i$100 billion kuphela ngelanga, wona amabhasi lemitshova ebiza
edlula le.UMnu. Vusumuzi Mahlangu, isiphathamandla se PTUZ uchasisela uSithandekile Mhlanga we studio 7 ngengxabangxoza esezikolo.
