Umthethwandaba weHigh Court eHarare ukhangelelwe ukuthonisa kusasa udaba lwamalunga ecele leMDC elikhokhelwa nguMnu. Morgan Tsvangirai lokuzama ukumisa udlakela esigabeni seManicaland. Udlakela lubikwa lulokhu luqhubekela phambili kulesi sigaba lanxa kulotshelwane phansi isivumelwano senkulumo zokulungisisa ezombusazwe.
Omela iNyanga North edaleni lephalamende, uMnu. Douglas Mwonzora lamakhansila esigabeni lesi bacele umthethwandaba ukuthi ubavikele ekuhlukuluzweni lokutshaywa ngabantu abazithi ngama war vets. Laba bathi kumele umthethwandaba ungqume ukuthi kuvalwe inkamba zabasekeli beZanu PF njalo kususwe amaroad blocks. UChris Gande weStudio 7 uxoxe lengcwethi ecubungula ezomthetho, uMnu. Job Sibanda ukuze sizwe imbono yakhe ngaloludaba.
