amalinks wokungena

Breaking News

Isifundi Esililunga LeZINASU Siyathunjwa, Sitshaywe Kakubi NgamaCIO


Abacatshangelwa ukuthi zinsoli zikahulumende bathumbe isiphathamandla senhlanganiso yezifundi, iZINASU, uTafadzwa Mugwadi vamtshaya kabuhlungu izolo. UMugwadi ubikwa ethunjwe okugadwa khona imitshova phakathi kwedolobha leHarare emini libalele wasiwa eKopje lapho abhaxabulwe kabuhlungu watshiwa esecatshangelwa ukuthi usefile. Abantu laba babikwa bebetshaya uMugwadi besithi bafuna enye inkokheli yezinasu ukuthi bayitshaye.

UMugwadi uthi wenelise ukunanzelela omunye wabantu laba ngoba wakhe wambopha kunyanga ezedluleyo. Ibandla leMDC lisole kakhulu isehlakalo lesi lisithi siyamangalisa esikhathi sekwalotshelwana phansi isivumelwano sokukhulumisana ngezokulungisa ezombusazwe.

Kusenjalo amapholisa abikwa engene emahofisini enhlanganiso yeCrisis in Zimbabwe Coalition ngodlakela athatha amaphepha alinhlanganiso esithi afuna ukuyawahlolisisa. Amahofisi la akhelane lawenhlaganiso yeZINASU. Esinye isiphathamandla seZINASU, uMnu Thamba Maphenduka utshele uChris Gande weStudio 7 ukuthi lanxa sebedlela evalweni abasoze bekele ukulwela ilungelo lezifundi.

Ezinye izindaba zeStudio 7 …

XS
SM
MD
LG