Inkokheli yenhlanganiso ezizimeleyo ebisiyakwenza umhlangano kwelezambia ixotshiwe lamuhla kulelolizwe yiziphathamandla zeZambia. Iziphathamandla ze immigration zibikwa zitshele abantu laba abalitshumi ukuthi baphindele ekhaya ngoba insoli zezimbabwe zithe bafuna ukwenza umhlangano wokuphazamisa inkulumo kade zisenziwa kwele South Africa zokuxazulula inkinga yezombusazwe.
Inkokheli le ibigoqela uMnu. Abel Chikomo umgcinisihlalo we Zimbabwe Human Rights NGO Forum, uMnu. Barnabas Mangodza owe Combined Harare Residents Association lomgcinisihlalo we Crisis in Zimbabwe Coalition umnu. Xolani Zitha odingwa ngamapholisa. Amapholisa abikwa engene emahofisini alinhlanganiso edinga uZitha.
Kunjalo nje, umthethwandaba wePlumtree uzathonisa kusasa icala lodlakela eletheswa amalunga eMDC alitshumi lantathu. UChris Gande weStudio 7 uxoxe legqwetha labantu laba, umnu. Job Sibanda.
