Inhlanganiso ebona ngokulondolozwa kwelungelo loluntu, ihuman rights watch ithi inkokheli yamazwe omanyano weSADC kumele ingenele kudaba lodlakela elizweni. Kumbe eyethule lamuhla olesihloko esithi “They beat me like a dog: Political Persecution of Opposition Activits in Zimbabwe” (Ngatshaywa Njengenja).
Linhlanganiso ithi udlakela luqhubekela phambili kungelani lenkulumo zombusazwe ezenziwayo. Linhlanganiso ithi lanxa amapholisa ephiwe amagama alabo abakhokhela ubudlwangudlwangu lodlakela akula ngitsho loyedwa oseke wabotshwa. IHuman Rights Watch ithi izethulela izikhalazo zayo inkokheli yeSADC emhlanganweni wangoLwesihlanu.
Lezi zikhalazo zigoqela ukuthi amapholisa athathe amanyethelo, kusungulwe inhlolisiso yembangela yodlakela lokuthi inhlanganiso eziphathisa abehlulekayo ngokudla kumele zivunyelwe ukusebenza. UChris Gande weStudio 7 uxoxe lomkhokheli webandla le Federal Democratic Union, umnu. Paul Siwela othi kaboni amazwe eSADC ethatha amanyethelo ngodaba lodlakela lweZimbabwe.
