amalinks wokungena

Breaking News

Abagijimayo Bazama Ukulandela Okwenziwe Ngu Kirsty Coventry Ekutholiseni IZimbabwe Imendulo KumaOlympics


Umlandu ususele kubadlali bakuleli abezokugijima abaphatheka emidlalweni yama Olympics e China ukuba balingise ontshezayo u Kirsty Coventry labo bathole imendulo emidlalweni yokugijima eqale ngolweSihlanu e Beijing.

Osakhulayo uNgonidzashe Makusha nguye ozaqala ukuncintisa kusasa emdlalweni wokudinga intshantshu zomdlalo we long jump kuthi ngeNsonto kuzakuba lithuba lika Cuthbert Nyasango yena ozaphatheka ku final yomjaho wokugijima ophakathi kwamamitha azinkulungwane ezilitshumi.

Amathuba e Zimbabwe okuthola imendulo emidlalweni yokugijima mancane kabi njengoba kulimidlalo kuhlangene intshantshu eziphuma kumagumbi amane womhlaba kodwa ingcitshi zithi u Makusha ulakho ukwenza kuhle kulimidlalo nxa kukhangelwa indlela ancintise ngayo kusikhatshana esedluleyo elungiselela limidlalo yama Olympics njalo leli lithuba elikhulu lokuba afunde kulimidlalo ukuze abe lekusasa enhle njengoba engosakhulayo elakho ukuphatheka kweminye imidlalo yama Olympics ezalandela ngeminyaka elandelayo.

Ezinye Indaba NgesiNdebele...

Okuhambelana lalokhu

‚Äč
XS
SM
MD
LG