Ugatsha lukahulumende olwe Central Statistical Office namhlanje lwethule isilinganiso sokuwa komnotho welizwe iinflation esuke ku 2,2 million percent ngenyanga kaMay yafika ku 11,27 million percent ngoJune. Ingcwethi kwezomnotho welizwe zithi isilinganiso seinflation yeZimbabwe eqonge ukwedlula eyamazwe onke omhlaba singabe siphezulu ukwedlula leso esethulwe lugatsha lwe Central Statistical Office.
Izolo iKingdom Bank yethule umbiko othi isilinganiso sokuwa komnotho welizwe sedlula i 20million percent.Ingcwethi kwezenotho zithi imbangela yokuwa komnotho welizwe ingabe iyikudindwa kwemali enengi libhanga elikhulu lelizwe eyasetshenziswa nguMongameli Robert Mugabe kukhetho lwe Run Off lapha ancintisa eyedwa. Ukuwa komnotho welizwe sokubangele ubunzima empilweni kazulu yemihla ngemihla.
UBrenda Moyo weStudio 7 ukhulume lomqondisi wenhlanganiso yabamabhizimisi abensundu i Affirmitive Action Group esigabeni seMatebeleland, uMnumzana Sam Ncube, ovumayo ukuthi umnotho welizwe usubhidlike ukwedlula lokho okutshiwo nguhulumende.
Ezinye Indaba ZeStudio
