Inhlanganiso yeWomen Of Zimbabwe Arise-WOZA yethule umbiko oveza ukuhlukuluzwa ngocuku kanye lokwephulwa kwamalungelo abesifazane beZimbabwe kungakhathalekile ukuthi sekulenyanga egcweleyo iZANU PF leMDC zilobelane isivumelwano sokukhulumisana esikhuthaza ukuphela kwalolu dlakela.
Umbiko lo owethulwe ngumkhokheli we WOZA uNkosikazi Jenny Williams eJohannesburg ngolweSibili, uveza izehlakalo ezihlasimulisa umzimba ezokutshaywa ukuhlukuluzwa kanye lokuphathwa kwabesifazane njengenyamazana kusenziwa ngamapholisa lenhloli zikahulumende. UNkosikazi Williams uthi kulenkulungwane zabesifazane ezibaleke emakhaya ngesikhathi sodlame lokhetho lwesibili lukamongameli abalokhu bengakabuyeli ngoba belokhu besethuselwa kanye lokuhlukuluzwa.
Ezinye indaba ngesiNdebele...
