Icele leMDC elikhokhelwa nguMnumzana Morgan Tsvangirai lisola ukubotshwa kwamalunga alo edale lePhalamende amahlanu kusukela ngoMvulo. Ababotshiweyo ngoMnumzana Eliah Jembere omela iEpworth, Pearson Mungofa omela i Highfield East, Bednoc Nyaude omela i Bindura South, Mathew Mlambo omela iChipinge East lo Trevor Saruwaka omela Mutasa Central. ababotshiweyo laba betheswa amacala ehlukeneyo agoqela ukubangela udlakela lokunye, kutsho umsekeli wesikhulumi salelicele, uNkosazana Thabitha Khumalo.
