Kubikwa kukhangelelwe ukuba lokhetho olutsha lokudinga amalunga amathathu edale lephalamende azamela izigaba ezitshiyeneyo zelizwe.
Izigaba lezi yi Matobo North, kulandela ukukhethwa komela lesisigaba ephalamende uMnu. Lovemore Moyo ukuthi abe ngumlawuli walelidale, i Gokwe-Gumunyu, kulandela ukubhubha kowayemele lesisigaba umuyi u Mnu Efreim Mushoriwa le Chegutu kulandela ukukhethwa kuka Senator Edna Madzongwe ukuba ngumkhokheli wedale le Senate.
Obona ngokuqhutshwa ko khetho kunhlanganiso ye Zimbabwe Election Commission, uMnu. Utoile Silaigwana utshele istudio 7 ukuthi inhlanganiso yakhe izaqala ukulungiselela ukhetho ingaziswa ngokusemthethweni ngokhetho lolu.
Kubikwa udlakela soluqalisile eMatopo lapho amabandla aphikisayo aseqalisile ukukhankasa.
UMnu. Gorden Moyo, ingcwethi ecubungula ezombusazwe, utshele uSithandekile Mhlanga we studio 7 ukuthi impumela yokhetho lolu iqakathekile ngoba kuzakhanya ukuthi abazaba lamalunga amanengi kulelidale phakathi kwecele le MDC elikhokhelwa nguMnu. Morgan Tsvangirai eliyabe selile 99 le ZANUPF ele 98 ngubani.
