amalinks wokungena

Breaking News

Amatitshala Akhalala Umsebenzi Efuna Ukwengezelwa Iholo


Inhlanganiso yababalisi, iProgressive Teachers’ Union of Zimbabwe, PTUZ, ithi amalunga ayo asekhalele umsebenzi okugcweleyo efuna ukwengezelelwa iholo. Izikolo zivulwe izolo kodwa kubikwa kungela bafundi lababalisi. IPTUZ ithi ifuna iholo

likhwezwe kusukela ku $1 400 ngemali entsha iye ku $150 000 ngenyanga. Kodwa sikhuluma nje inhlanganiso yezisebenzi zikahulumende, iAPEX, iphakathi kwenkulumo lohulumende ngodaba lwemali.

Kodwa unobhala jikelele wePTUZ, uMnu. Raymond Majongwe utshele iStudio 7 ukuthi bona kabasoze bamelele impumela yenkulumo ezenziwa lohulumende. UChris Gande weStudio 7 uxoxe lomzali njalo eyingcwethi kwezombusazwe, uMnu. Charles Mpofu.

Ezinye izindaba zeStudio7 …

XS
SM
MD
LG