Amazwe omhlaba aphatheke ngemizamo yokulwisana legcikwane le HIV lomkhuhlane we Aids aqhubeka edingisisa indlela uzulu angazivikela ngazo kuleligcikwane.Emhlanganweni we International Aids Conference owenzelwe eMexico City ngenyanga ka August kuphume ukuthi injongo esikhona emazweni amanengi ngeyokufundisa abesifazane lamankazana indlela abangazisebenzisa ukuzivikela, lokubapha indlela ezimbalwa abangazikhethela zona ukuzivikela.
Sikhulumanje inhlanganiso zezempilakahle emhlabeni jikelele ziphakathi kokucubungula umuthi ofakwa ngabesifazane ngasese bengakayi emacansini othiwa ngama Microbicides obulala igcikwane le HIV. IZimbabwe ngelinye lamazwe aphatheke kulokhu kucubungula. Udaba olungamangalisa abanengi ikakhulu emkhonweni wakithi ngolokuthi kulokuphatheka ekulungiseni ama microbicides la, kweleMelika sokulomkhankaso wokuthi kube lamamicrobicides afakwa endleni ekhipha ingcekeza emzimbeni, okuthiwa ngama Rectal Microbicides kusenzelwa labo abaya emacansini besebenzisa lindlela, ikakhulu abesilisa abathandanayo.
Umgcinisihlalo we International Rectal Microbicide Advocates
–IRMA, umnumzana Jim Pickett uthi inhlolisiso abayenzileyo emazweni edlula
alikhulu iveza ukuthi bakhona abesifazane labo abaya emacansini besebenzisa
indlela ekhupha ingcekeza emzimbeni, i anal sex ngesingisi.
UBrenda Moyo WeStudio7 ukhulume lodokotela Samukeliso Dube ingcwethi emkhuhlaneni wengculaza othi bakhangelele ukuthi amamicrobicides abe esetholakala eminyakeni emihlanu ezayo.
Ezinye Indaba ZeStudio7....
