amalinks wokungena

Breaking News

UMbeki Ufika EHarare Ukuyavuselela Inkulumo


UMongameli Thabo Mbeki ufikile eHarare ngoMvulo ukuyavuselela inkulumo zokwabelana umbuso phakathi kweZanu PF leMDC.

UMbeki, yena ongumamulankunzi kudaba lweZimbabwe ufike emini yantambama lamuhla wahle wangena umhlangano loMongameli Robert Mugabe labakhokheli bamacele womabili eMDC uMnu Morgan Tsvangirai kanye loMnu Arthur Mutambara.

Sikhuluma nje lumhlangano uqhubekela phambili. UMbeki ukhangelelwe ukwethula ugwalo aluqoqileyo athi yilo abona lulakho ukuqeda ukudonselana okukhona phakathi kweMDC leZanu PF.

Ugwalo lolu, ubikwa eluqoqe ngemva kokuhlangana lamaqula amabandla la eSouth Africa kumaviki amabili asanda kwedlula.

Udaba oluhluphayo kunkulumo lezi ngolokwabelana amandla phakathi kukaTsvangirai loMugabe, uTsvangirai esala ukusayina ugwalo oluhlela ukwabelana amandla esithi kalumuphi mandla aneleyo.

Izolo khona, ugcizelele kubalandeli bebandla lakhe emhlanganweni awenzele eGweru ukuthi kasoze avume ukusayina lolugwalo nxa uMugabe engasavumanga ukumupha amandla awafunayo.

Udaba lokuthi amabutho kumele abe sesandleni zikaMugabe kumbe ezikaTsvangirai kuhulumende womanyano ngolunye udaba oluhluphayo.

Sibuze ingcwethi ecubungula ezombusazwe uMnu Brilliant Mhlanga sambuza ukuthi akusiyo nto enhle na ukuthi uMugabe avume ukunikeza uTsvangirai olunye lwengatsha zezomvikela ukuze bobabili bavumelane kulungisiswe udaba lweZimbabwe.

Ezinye Indaba ZeStudio 7...

‚Äč
XS
SM
MD
LG