amalinks wokungena

Breaking News

Inkulumo Ziyaqhubeka Kungela Kuvumelana


Inkulumo phakathi kwenkokheli yeMDC leZanu PF ezilawulwa nguMongameli Thabo Mbeki, eziqale eHarare izolo, ziqhubekele phambili lamuhla.

Inkulumo lezi ziqhubeka ugatsha lweSadc troika lalo lukhangelelwe ukuba lomhlangano kusasa kwele Swaziland luhlaziya udaba lweZimbabwe.

UMbeki wethulele ibandla leZanu PF kanye leleMDC ugwalo olutsha lokwabelana amandla ngokulingeneyo phakathi kukaMongameli Robert Mugabe, uMnu Morgan Tsvangirai kanye loMnu Arthur Mutambara, abamacele womabili eMDC.

Ugwalo olutsha lolu lubikwa luhlela ukuthi uMongameli Mugabe abe ngumkhokheli welizwe ozakhangela ngezamabutho kuthi uTsvangirai abe yinhloko kahulumende elamandla okuqatsha lokuxotsha amalunga eCabinet.

IMDC kaTsvangirai ibikwa isuthiseka ngalolu gwalo kuthi uMugabe yena ubikwa esemba phansi esithi lokho ngeke kwenzeke.

UMark Peter Ntambe intatheli yethu eseHarare otshone eseRaibow Towers lapho okuqhutshelwa khona lezinkulumo, uchasisa ngobe kusenzakala.

Kusenjalo ingcwethi ecubungula ezombusazwe uMnu Mlamuli Nkomo uthi kuzakuba nzima ukuthi uMugabe avume ukusayina ugwalo olumtshiya elamandla alingana lakaTsvangirai.

Ezinye Indaba ZeStudio 7...
XS
SM
MD
LG