Obekhethwe ukumela ibandla leMDC ekhokhelwa nguMnu. Arthur Mutambara kukhetho lokuding umlawuli wedale lephalamende, uMnu. Paul Themba Nyathi useze wakhuluma okusenhliziyweni yakhe ngaloludaba. uNyathi unqotshwe nguMnu. Lovemore Moyo owecele likaTsvangirai. Impumela yalolukhetho iveze mgceke ukuthi amanye amalunga ecele likaMutambara avotele uMoyo. Lokhu kubikwa kubangele ukungethembani phakathi kwamalunga edale alelicele lenkokheli yalelibandla okuqhubekayo lalamuhla lokhu. uNyathi uphe uChris Gande weStudio 7 imbono yakhe ngesehlakalo lesi lokwenzakalayo ebandleni lakhe.
Kunjalo nje, omela isigaba se Insiza South edaleni lephalamende, uMnu. Siyabonga Malandu Ncube utshele uChris Gande weStudio 7 ukuthi akusiloqiniso ukuthi bavotele uMoyo njalo ingxabangxoza ekhona ebandleni labo ibangelwa ngabamanye amabandla.
