amalinks wokungena

Breaking News

Uhulumende Uvumela Abamabhizimisi Ukusebenzisa Imali Yakwamanye Amazwe


Usibalukhulu weBhanga elikhulu lelizwe uMnumzana Gideon Gono namhla wethule uhlelo oluzakupha imvumo abamabhizimisi ukuthi bathengise impahla ngemali yakwamanye amazwe. uhlelo lolu oluthiwa Foreign Exchange Licensed Warehouses and Shops - FOLIWARS, luzasebenza kuze kufike mhlaka 31 March ngomnyaka ka 2010. UGono uthi eyinye injongo yaloluhlelo ngeyokuthi impahla ebesezisilela ezitolo ziqale ukutholakala. Abamabhizimisi akade bevele sebethengisa impahla nge US dollar, South African Rand le Botswana Pula bamukele lumbiko ngenjabulo.

Kodwa kuzulu ongela ndlela yokuthola imali yakwamanye amazwe yikuqhubeka kobunzima. kodwa uGono uthembisa ukuthi ukusetshenziswa kwemali yakwamanye amazwe akutsho ukutshabalala kwemali yakuleli. UGono ubike njalo ukuthi uzakupha amaLicence okuthengisa ngemali yakwamanye amazwe kwabezitolo abayinkulungwane eyodwa 1000, kuthi amawholesalers angamakhulu amabili, 200. abezitolo bazahlawuliswa i $20 000 USD isecurity deposit, kuthi abamawholesale bahlawuliswe i$100,000 USD.

Embikweni kaGono uhlelo lweFOLIWARS lolu alusoze luvumele ukuthengiswa kwezinto ezimqoka ezifana lemphuphu, isinkwa lokunye, ngemali yakwamanye amazwe. Ingcwethi kwezenotho, uMnumzana Clemence Sibanda uthi inyathelo lika Gono leli lizathuthukisa hatshi umnotho weZimbabwe, kodwa owamazwe afana leBotswana leSouth Africa.

Kunjalonje usomabhizimisi wakoBulawayo uMnumzana Alex Goosen uthi uhlelo lukaGono luzanothisa abebandla leZANU PF kuphela.

Ezinye Indaba ZeStudio7....

XS
SM
MD
LG