amalinks wokungena

Breaking News

Uzulu Ukhala Ngokuthengiswa Kwezinto Ngemali Yakwamanye Amazwe


Uzulu sesole kakhulu inyathelo eselithethwe yinkampani yeNational Foods lokuthengisa ukudla ngemali yakwamanye amazwe.

linkampani yenze lokhu kulandela inyathelo elithethwe libhanga elikhulu lelizwe iReserve Bank of Zimbabwe elokupha imvumo abamankampani ukuthengisa izinto ngemali yakwamanye amazwe.

INational Foods ngeyinye yamankampani enikezwe imvumo yokuthengisa ukudla ngemali yakwamanye amazwe.

Linkampani iphakathi komkhankaso wokwazisa uzulu ngentengo yezinto esizithengisa ngemali yakweleMelika. I litre yamafutha okupheka, icooking oil ithengiswa nge US$2.60, ikg eyodwa yeRice ibiza iUS$1.65 kuthi i20 kg yempuphu ibiza iUS$13.

Kwezinye indawo ezithengisa utshwala bakwamanye amazwe obufana le Hunters, Heineken, Savannah lobunye, i 6 pack ithengiswa nge US$15 kodwa ngapha eMelika i 6pack ibiza i US$7.00 kuphela.

IRBZ ithi ukuthengiswa kwezinto ngemali yakwamanye amazwe kuzakwenza limali itholakale elizweni, lezinto zitholakale ezitolo.

Amafutha ezimota ahlezi ethengiswa ngemali yakwamanyaye amazwe egoqela, idollar leMelika, iRand le South Africa le Pula leBotswana, kodwa katholakali kalula elizweni.

UBrenda Moyo weStudio 7 ukhulume loMnumzana Gideon Nduna ohlala emzini weHillside koBulawayo yena othi kuyethusa ukuthi izizalwane zeZimbabwe sezithengiselwa ukudla okuqakatheke njengemphuphu ngemali yakwamanye amazwe ngoba ezinengi zingenelisi ukuyithola limali.

Ezinye Indaba ZeStudio7...

Okuhambelana lalokhu

‚Äč
XS
SM
MD
LG