Inhlanganiso ekhankasela ukulwisana lokungethembeki emhlabeni wonke jikelele iTransparency International ithi eleZimbabwe ngelinye lamazwe alokungethembeki okusezingeni eliphezulu okwesabekayo.
Linhlangansio ithi ukubhidlika komnotho yikho okubangele ukuthi ukungethembeki lokhu kuqonge.
Embikweni ewethule kuyonale iviki, iTransparency International iveze ukuthi phakathi kwamazwe ebiwahlaziya alikhulu lamatshumi ayithoba minwe mibili 180, iZimbabwe ikunumber 166.
Kumnyaka odluleyo iZimbabwe ibiku number 150, okuchaya sobala
ukuqonga kokungethembeki osokukhona elizweni.
IZimbabwe isesibayeni sinye lamazwe afana leSomalia, Iraq, Myanmar, DRC kanye lamanye atshiyeneyo. Uhulumende weZimbabwe ubikwa eleziphathamandla ezinengi ezenza imisebenzi yokungethembeki, i corruption.
Sibuze ingcwethi ecubungula ezombusazwe uMnumzana Walter Nsununguli Mbongolwane ukuthi njengoba sokulohulumende omutsha singabona ukungethembeki lokhu kuphela na?
UMbongolwane uthi iMDC kumele iqaphele, ngoba layo ingazithola sincedisana leZANU PF ekuqhubeni imisebenzi yokungethembeki le.
