Inkulumo phakathi kukaMongameli Mugabe lenkokheli yamacele womabili eMDC, oMnu Morgan Tsvangirai lo Arthur Mutambara zikhangelelwe ukuqala njalo eHarare ngeviki ezayo uMugabe sephendukile emhlanganweni weUnited Nations.
Bobathathu bazahlangana bekhuluma ngodaba lokwabelana izikhundla zedale leCabinet.
Kulandela ukumiswa umsebenzi kuka Mnu Thabo Mbeki ukuba nguMongameli weSouth Africa
sokusesatshelwa ukuthi inkulumo zeZimbabwe zingaphazamiseka.
Kodwa umanyano weSadc, onikeze uMbeki umlandu wokuba ngumlamulankunzi kudaba lweZimbabwe, uthi ufuna uMbeki aqhubeke. Yena uMbeki ngokwakhe kakatsho lutho ngaloludaba.
Sokusesatshelwa kodwa ukuthi njengoba engasengu Mongameli, abeZanu PF labeMDC balakho ukumeyisa bengasamnanzi.
Kulokwesabela njalo ukuthi ibandla lika Mbeki eleANC lilakho ukungenela kudaba lwakhe lokuba ngumlamulankunzi, okungabangela ukuthi ecine esehluleka ukuwufeza ngokugcweleyo umsebenzi wakhe eZimbabwe.
Ukuze sihlaziye
loludaba uNtungamili Nkomo weStudio 7 ubambe ingcwethi ecubungula ezombusazwe, uMnu Last Moyo wamxhumanisa
lomqondisi weCrisis in Zimbabwe Coalition uMnu Xolani Zitha.
Ezinye Indaba ZeStudio 7...
