amalinks wokungena

Breaking News

Uhulumende Uzabunjwa Iviki Le Ingakapheli: Mugabe


UMongameli Mugabe lamuhla uthembise ukuthi uhulumende womanyano phakathi kwebandla lakhe ele Zanu PF leleMDC uzakuba sebunjiwe iviki le isiya phela.

UMugabe wethule amazwi la ekhuluma lentathelizindaba kanye labasekeli bebandla lakhe abamhlangabeze egcekeni lendizamtshina eHarare evela emhlanganweni weUnited Nations General Assembly khona ngapha eMelika.

UMongameli Mugabe utshiye uhulumende womanyano leMDC elokhu engakabunjwa kuviki edluleyo esiya kulumhlangano ngemva kokuba kube lokungavumelani lenkokheli yeMDC ekwabiweni kwengatsha ezine ezimqoka ezedale lecabinet.

Ingatsha lezi zibalisa olwe Finance, olwe Home Affairs, olwe Local Government kanye lolwe Defence. Kodwa uMugabe ukulandule ukuthi kulokudonselana phezu kwengatsha lezi.

Abazi ngcono batshele iStudio 7 ukuthi umhlangano phakathi kukaMugabe lenkokheli yamacele womabili eMDC, uMnu Arthur Mutambara loMnu Morgan Tsvangirai ulakho ukuba khona kusasa kumbe ngolweSithathu eHarare.

Bathi njalo uhulumende omutsha ulakho ukwaziswa ngolweSine. Izolo khona uTsvangirai, yena ozakuba yinhlokonkulu kahulumende womanyano lo, u Prime Minister, ubekhuthaze ukuthi uhulumende lo abunjwe ngokuphangisa ukuze kulungisiswe indubo uzulu abhekane lazo.

UMnu Sam Sipepa Nkomo yisiphathamandla seMDC ekhokhelwa nguMnu Tsvangirai. Sibuze uNkomo ukuthi bawamukela njani amazwi kamugabe ngokubunjwa kukahulumende omutsha lo?

Ezinye Indaba ZeStudio 7...

‚Äč
XS
SM
MD
LG