Amakhulu ezakhamizi zemaphandleni ezabalekela udlakela phambilini kokhetho lwe run-off ngoNhlangula zibikwa zilokhu zisesaba ukuphendela emakhaya lanxa sekwavunyelwana ukubumba uhulumende womanyano. Kulembiko ethi amalunga alelibandla amabili awathunjwa ngenyanga kanhlangula, uKainos Botera owayengumgcinisihlalo wabasakhulayo eMarondera lo Portiphar Bakaimani owayengumgcinisihlalo walelibandla kulelodolobha belokhu bangaziwa ukuthi bangaphi. Ibandla leMDC lithi kulabantu abedlula amakhulu amahlanu abanyamalala phambilini kokhetho lwe run-off abangazakaliyo ukuthi bangaphi.
Izakhamizi zezinye izigaba ezifana lesenkabazwe leze mashonaland zibikwa zilokhu zikhangele ngabomvu izithelo zesivumelwano sokubumba uhulumende womanyano ukuze zenelise ukuphindela emakhaya. Ezinye izakhamizi zibikwa zahlawuliswa izifuyo ngenxa yokubaleka imizi. Umgcinisihlalo womanyano wenhlanganiso ezizimeleyo inango enkabazwe, uMnu. Peter Muchengeti utshele uChris Gande weDtudio 7 ukuthi izakhamizi zilokhu zisethuselwa ngabasekeli beZanu PF.
