amalinks wokungena

Breaking News

ISADC Yiyo Esizaxazulula Udaba Lwezikhundla Zecabinet


Umhlangano weSADC Troika owenzelwe eHarare izolo obuzama ukuxazulula udaba lwezikhundla zedale lecabinet wehlulekile ukuphuma lesinqumo. Unobhala wenhlanganiso le uMnumzana Thomaz Salamao utshele abezindaba izolo ukuthi udaba lolu soluzadluliselwa phambili kunkokheli yonke yamazwe eSADC. Umhlangano lo akukaziwa ukuthi uzakwenziwa nini noma kuliphi ilizwe.

Kusenjalo unobhala jikelele wecele leMDC elikhokhelwa ngumnu Morgan Tsvangirai umnu Tendai Biti uthi laloba kulemibiko ethi sokusele ukuthi kuxazululwe ukuthi ugatsha lwendaba zaphakathi kwelizwe luya kuliphi ibandla ayisilo lodwa osolusele ngoba kungakavunyelanwa kwezinye ingatsha ezinengi. UBiti utsho lokhu emhlanganweni lentathelizindaba namhla emini edolobheni leHarare. Intathelizindaba ye Studio7 uThomas Chiripasi obekhona kulumhlangano, uchasisa okwethulwe kuwo.

Kunjalo nje icele leMDC elikhokhelwa nguMnumzana Arthur Mutambara lithi lisekelana lelikhokhelwa nguMnumzana Tsvangirai kudaba lwezikhundla zedale lecabinet. Umsekeli wesikhulumi salelibandla uMnumzana Renson Gasela uthi kusele isikhundla sogatsha lweHome affairs kuphela, yiso esingakavunyelwana, phakathi kukaMnumzana Tsvangirai lomongameli Robert Mugabe kungxoxo ayenze loBrenda Moyo weStudio7.

Ingcwethi ezicubungula ezombusazwe zithi ukuze iSADC yenelise ukuxazulula udaba lwezikhundla zedale lecabinet kumele yekele ukusekela uMongameli Mugabe. UMnumzana Zenzo Nkomo utshele uBrenda Moyo ukuthi udaba lolu lungehlula iSADC, kuzamele lwedluliselwe phambili kunhlanganiso ezifana le African Union le United Nations.

Ezinye Indaba ZeStudio7....

XS
SM
MD
LG