Abamabhanga babikwa bekhonona ngokuphuza kwebhanga elikhulu lelizwe iReserve Bank of Zimbabwe ukubalethela imali yokupha abantu. Udubo lolu lubikwa yilo olubangela indwendwe ezinde emabhanga abanye abantu sebeze belala khona.Izolo lanamhla amabhanga ambalwa acine ephuza ukuvalwa ngoba emukele imali evela eRBZ ngezikhathi zama 3 emini, okubangele ukuthi amanye amabhanga aphuze ukuvalwa. UBrenda Moyo weStudio 7 ukhulume lengcwethi kwezenotho uMnumzana Clemence Sibanda ochasisa ngakubone kusenzakala emabhanga akoBulawayo.
