amalinks wokungena

Breaking News

Kasisoze Singene Kuhulumende Womanyano Izikhalazo Zethu Zingalungisiswanga: MDC-T


Icele leMDC elikhokhelwa nguMnu Morgan Tsvangirai lazise lamuhla ukuthi kalisoze lingene kuhulumende womanyano lebandla leZanu PF nxa izikhalazo zalo zonke zingalungisiswanga.

Ugatsha lwalelibandla olwenational Executive luhlangene lamuhla eHarare lwanquma ukuthi iMDC izangena kuphela kuluhulumende nxa uMongamneli Mugabe engavuma ukuthi likhokhele ezinye zengatsha ezimqoka kuhulumende womanyano.

UTsvangirai ngokwakhe kaphathekanga kulumhlangano ngoba ebikwa ephandle kwelizwe njalo umhlangano walamuhla ubukhokhelwa ngumsekeli wakhe uNkosazana Thokozani Khupe.

Ekhuluma lentatheli ngemva kwalumhlangano, uNkosazana Khupe uveze ukuthi icele lakhe selivumbulule ubufakazi bokuthi uhulumende weZanu PF ulohlelo lokubulala inkokheli yalo.

Yena uhulumende wethesa lelibandla umlandu wokifundisa amalunga alo ukusebenzisa izikhali phandle kwelizwe. Kudaba lwezikhundla zecabinet ibandla leMDC lithi ngaphandle kokuthi ibandla leZanu PF livume ukuthi izikhundla zedale lecabinet ezimqoka zabiwe ngokulinganayo, kalisoze lingene kuhulumende womanyano.

Ligcizelele njalo ukuthi kulengatsha ezilitshumi ezilokhu zihlupha hatshi olwe home affairs kuphela njengokutsho kweSadc leZanu PF. Ngalokhu, abazi ngokwenzakalayo batshele iStudio 7 ukuthi uMongameli Mugabe uzaqhubekela phambili abumbe uhulumende wakhe kunsukwana ezilandelayo.

Bathi njalo uMugabe uzakhetha amalunga akhe alitshumi lanhlanu azathatha izikhundla kucabinet etshiye lezo ezimele zithathwe yiMDC phansi kwesivumelwano sikahulumende womanyano zingelabantu.

UMongameli Mugabe ubikwa ezakupha iMDC isikhathi esithize ukuthi ikhethe amalunga ayo azathatha lezi zikhundla. Singedlula leso sikhathi, uMugabe ubikwa ezaqhubekela phambili ekhethe amalunga ebandla lakhe athathe izikhundla ebezimele ziye kuMDC.

Ibandla leZanu PF lisole inyathelo elithethwe yiMDC kaTsvangirai leli, kuthi umkhokheli welinye lamacele eMDC uMnu Arthur Mutambara utshele iStudio 7 ukuthi uMugabe loTsvangirai kumele bekhulumisane kulungisiswe udaba lolu.

UMnu Sam Sipepa Nkomo, oyisiphathamandla seMDC kaTsvangirai obesemhlanganweni walamuhla uchasisele uNtungamili Nkomo weStudio 7 ngezizatho zenyathelo elithethwe libandla lakhe.

Ngakwelinye icele, ingcwethi ecubungula ezombusazwe uMnu George Mkhwanazi uthi inyathelo elithethwe licele likaTsvangirai lihle kakhulu.

Ezinye Indaba ZeStudio 7...

XS
SM
MD
LG