Ibandla leMDC elikhokhelwa nguMnumzana Morgan Tsvangirai lithi lizakuya emhlanganweni wokulungisisa isisekelo sombuso iAmmendment number 19 eSouth Africa kusasa nxa izikhalazo zalo zingaqakathekiswa. Isiphathamandla salelibandla uMnumzana Sam Siphepha Nkomo kazange athande ukuphumela egcekeni ukuthi ibandla lakhe lifunani sibi sibili ukuthi liye emhlanganweni wakusasa lo kodwa eminye imibiko ithi ibandla leli lifuna inhlanganiso yeSADC iguqule isivumelwano esenziwa kumaviki edluleyo sokuthi izanu pf leMDC kumele asebenze ndawonye kugatsha lweHome Affairs.
Umongameli weSouth Africa Umnumzana Kgalema Montlante uthi Amabandla Ezombusazwe EZimbabwe Kumele ahlangane kusasa ukuze kulungisiswe udaba LweZimbabwe, esithi nxa uhulumende womanyano engaphuza ukubunjwa izinto zilakho ukuma mazonzo elizweni.
Ngakwelinye icele umsekeli kaTsvangirai uNkosazana Thokozani Khuphe izolo uthe ibandla lakhe selifuna ukuthi umlamulankunzi kudaba lweZimbabwe uMnumzana Thabo Mbeki kumele asuke kulesisikhundla. Laloba icele leMDC elikhokhelwa nguTsvangirai likhanya lithandabuza ukuya emhlanganweni lo elikhokhelwa nguMnuzana Arthur Mutambara lithi lizimisela ukuba khona emhlanganweni lo.
IStudio7 ikhulume lomsekeli wesikhulumi salelicele
umnumzana renson gasela othi umhlangano wakusasa ngowokulotshwa kuka ammendment
19 kusisekelo sombuso.
IStudio7 iphine yakhuluma lengcwethi ecubungula ezombusazwe umnumzana mqondobanzi
magonya othi amabandla eMDC le ZANU PF kumele aqakathekise ukuhlupheka kwabantu
beZimbabwe aphangise ukubumba uhulumende womanyano.
