Iqembu le Caps United yilo elizamela iZimbabwe kumncintiswano wezwekazi leAfrica wenkezo ye Confederations Cup ngomnyaka ozayo ngemva kokuphakamisa kwalo inkezo ye CBZ FA.
I Caps United itshaye indiva ukuba kwayo ngaphansi kwengalane yemiklomelo lapho ikhulela i Eastern Lions ku final yomncintiswano we CBZ FA ngemiklomelo emithathu kungela mpendulo.
Limpumela itsho ukuba i Caps izaphutsha imidlalo yalonyaka ilenkezo ezimbili ngemva kokuphakamisa isicoco se ABC Super 8 ensukwini ezimbalwa ezedlulayo.
Inkokheli zeqembu le Caps united zithi zizimisele ukumela ilizwe kumncintiswano we Confederations njalo seziphatheke kumalungiselelo oku bhalisa abadlali abaphatheka kulimidlalo kunhlanganiso ye CAF.
Ingcitshi zomdlalo kanobhutshuzwayo zona zithi i Caps kuzamele ithenge abanye abadlali ukuze iqine ngoba lapho ekhona engalaneni yemiklomelo kuyisibonelo sokuba leliqembu alimanga kuhle.
Ezinye Indaba ngesiNdebele...
