Laloba izulu selinile phose ilizwe lonke jikelele uzulu ubikwa esehluleka ukulima ngoba kulokusilela kwenhlanyelo lemvundiso yama fertiliser, njalo inengi lingela zinto zokulimisa. Uzulu ukhala ngokusilela njalo kwamatalakitha lenkomo zokulimisa ezibulewe yindlala.Ingcwethi kwezokulima zisithi isivuno somnyaka ozayo silakho ukwehla okungaphinda kubangele indlala elizweni jikelele.
UBrenda Moyo weStudio7 ukhulume leingcwethi kwezokulima ezimbili. Eyokuqala nguMnumzana Artwell Mahlangu okhuthaza abantu ukuhlanyela umumbu abasele layo kusivuno sanyakenye nxa ungaphehlwanga.
Siphinde saxhuma eyinye njalo ingcwethi kwezokulima elilunga ledale lePhalamende elimela isigaba seMangwe, uMnumzana Edward Mkhosi okhuthaza abantu ukusebenzelana labalimisi abakuzigaba zabo.
