Icele le MDC elikhokhelwa nguMnu. Arthur Mutambara lethule umbiko othi lisola umbuso ka mongameli Robert Mugabe ngoba yiwo obangele ukuqhamuka komkhuhlane we cholera okhona elizweni. Embikweni lo, uNkosikazi Stella Allberry obona ngezempilakahle kulelicele,
uthi ingatsha ezibona ngezempilakahle kanye lezabelo aziqhubi kuhle umsebenzi, okuyikho okubangele ukuqhamuka komkhuhlane wecholera. Lokhu kwenzakala umanyano we United Nations usithi sokufe abantu abedlula amakhulu amathathu elizweni njalo inhlanganiso ye OXFAM isithi uhulumende kumele avume ukuthi le sekuyingozi esiqonde ilizwe - i ‘’national disaster’’.
Isikhulumi secele le MDC elikhokhelwa nguMnu. Mutambara ko Bulawayo, uMnu Edwin Ndlovu uthi sokufanele amabandla aphakathi kwenkulumo zokwabelana izikhundla ze cabinet avumelane, kubunjwe uhulumende omutsha khona kuzakuba lomahluko elizweni.
