Usibalukhulu webhanga elikhulu lelizwe iReserve Bank of Zimbabwe,uMnumzana Gideon Gono usengezelelwe isikhathi sakhe sokusebenza kusiyafika umnyaka ka 2013 nguhulumende, kubika iphephandaba leherald namhlanje.
Inyathelo leli lisolwa kakhulu nguzulu, ingcwethi kwezenotho lamacele omabili e MDC.Embikweni owethulwe nguMnumzana Morgan Tsvangirai namhla, usole kakhulu ukubuyiselwa kuka Gono esikhundleni esithi lokhu yikwephulwa kwesivumelwano se Memorandum of Understanding- MOU. Uzulu weZimbabwe ubona angani uGono nguye osebhidlize umnotho welizwe leZimbabwe, emethesa umlandu wokubangela uhlupho lokusilela kwemali emabhanga.
UBrenda Moyo weStudio 7 ukhulume lengcwethi kwezenotho uMnumzana Clemence Sibanda othi isikhundla sikaGono lesi bekumele sivunyelwane nguhulumende womanyano, kungabi yinto yeZANU PF kuphela.
Ingcwethi ecubungula ezombusazwe uMnumzana Joshua Mhambi uvumelana loSibanda ukuthi uGono akulalutho azalwenza ukuthuthukisa umnotho welizwe.
Ezinye Indaba ZeStudio7...
