amalinks wokungena

Breaking News

Kaziyi Ndawo Inkulumo: Tsvangirai


Inkulumo zokubumba uhulumende womanyano phakathi kwebandla leZanu PF leMDC zingene kulanga lesibili lamuhla eSouth Africa kungelathemba lokuthi amabandla la angavumelana.

Embikweni obukhomba ukuthi inkulumo lezi azihambi kuhle, umkhokheli welinye lamacele eMDC uMnu Morgan Tsvangirai wazise lamuhla ukuthi ibandla lakhe selicele umgcinisihlalo weSadc ukuthi akhiphe uMnu Thabo Mbeki ukuba ngumlamulankunzi kudaba lweZimbabwe.

UTsvangirai uthi uMbeki usekela uMongameli Mugabe kulezi nkulumo.

Uthi njalo njengoba inkulumo lezi zikhanya zingayi ndawo, ibandla lakhe alisazihluphi kangako ngazo seliqakathekisa ukudingela uzulu weZimbabwe uncedo ukuze kuqedwe udubo lwendlala kanye lomkhuhlane wecholera okhona.

Abazi ngokwenzakala kulezi nkulumo bathi zilakho ukutshabalala njalo amaqula eZanu PF leMDC alakho ukungahlangani kusasa. EleBotswana lona likhuthaze amazwe aweSadc lamuhla ukuthi avale imingcele awo leZimbabwe engavumeli uhulumende kaMugabe ethenga into ezimqoka ezifana lamafutha ezimota emazweni la.

Inyathelo leli lilakho ukubangela ukuthi uhulumende kaMugabe abhidlike phakathi kwamalanga ayisithupha, kutsho eleBotswana.

Ingcwethi ecubungula ezombusazwe uMnu George Mkhwanazi utshele uNtungamili Nkomo weStudio 7 ukuthi yinto edanisayo ukuthi inkulumo lezi zikhanya sezingasathembisi lutho.

Ezinye Indaba ZeStudio 7...

XS
SM
MD
LG