Ekuqhubekeni kokonakala komnotho welizwe lokungamaknga kuhle kwezombusazwe uMongameli Mugabe usekhanya engasathembi muntu.
Lokhu kube sobala ngempelasonto aze alele iqula lenhlanganiso ethiwa yi The Elders ebelingena elizweni ngenjongo yokuhlolisisa indengeko zikazulu weZimbabwe ngalesi sikhathi sobunzima.
Amalunga la agoqela owake waba ngumongameli welemelika, uMnu. Jimmy Carter owayencoma kakhulu umongameli Mugabe esanda kukhethwa ukubusa eleZimbabwe lowayengunkosikazi kaMnu Samora Machel owaphathisa kakhulu ekutholeni uzibuse weZimbabwe.
Lokhu kwenzakala ngemva kwenyanga ezimbalwa uhulumende evumele inhlanganiso ezizimeleyo ukuthi ziphathise eleZimbabwe ngemva kwenyanga ezinengi zingavunyelwa ukuphathisa.
Umbuzo osukhona ngothi kanti umongameli Mugabe usesesaba umnyama ongelampisi na ngoba engasathembi ngitsho lesithunzi sakhe? Ukuze sihlaziye loludaba uChris Gande westudio seven uxoxe lomfundisi Ray Motsi owesonto yeBaptist njalo engowenhlanganiso ephathisa uzulu ngokudla endawonye lengcwethi ecubungula ezombusazwe, uMnu. Effie Dlela Ncube.
