amalinks wokungena

Breaking News

UTsvangirai Ucela iAU Ukuthi Ingenele Kudaba LweZimbabwe


Kubikwa kutshone kunyakazela amapholisa ahlomileyo ezitaladeni zeHarare lamuhla kulandela ukulwisana okube khona izolo phakathi kwamasotsha lamapholisa.

Ukulwisana lokhu kuqhamuke ngemva kokuba amasotsha athize ebhuqe abantu abathenga lokuthengisa imali yakwamanye amazwe okungekho emthethweni, andubana egqekeze ezitolo ezithize entshontsha.

Amasotsha la abikwa ecunulwe yikwehlulaka ukuthatha imali ayifunayo emabhanga njengoba umuntu evunyelwa ukuthatha imali engange $500 000. 00 kuphela ngelanga.

Kubikwa kulamasotsha abotshiweyo phezu kwesehlakalo lesi. Isikhulumi sebutho uColonel Simon Tsatsi uthi okwenziwe ngamasotaha la izolo yinto yokuganga, esithi labo abakwenzileyo bazajeziswa kabuhlungu.

Ukufuthelana lokhu kuqhubeka nje eZimbabwe, umkhokheli welinye lamacele eMDC uMnu Morgan Tsvangirai uthi umanyano weAfrican Union (AU) kumele ungenele kudaba lweZimbabwe ngoba iSadc siyehlulekile.

Ekhuluma ngemva kokuhlangana lomkhokheli weSenegal izolo khonale eSenegal, uTsvangirai uthe udaba lweZimbabwe sokumele luphathwe yi AU kulungisiswe umbango wezikhundla phakathi kwebandla lakhe leZanu PF.

Ezinye indaba zeStudio 7...

XS
SM
MD
LG