Intengo yezinto iqhubeka ilokhu iqansa yona imali emabhanga ilokhu layo ingatholakali lula. Lokhu kwenzakala lanxa ibhanga lesizwe ele Reserve Bank of Zimbabwe, lengezelele imali eneliswa ukuthathwa ngumuntu ngelanga ebhanga isuka kunkulungwane ezingamakhulu amahlanu zamadollar -$500 000 ngelanga isiya kuzigidi ezilikhulu- $100 million ngeviki. Esikhulume labo bathi lelinyathelo likhanya lenelise nje kuphela ukwehlisa inani labantu abaya emabhanga nsuku zonke ngoba sebehamba ilanga elilodwa ngeviki.
Esinye isakhamuzi sakoBulawayo uNkosazana Petronela Marufu utshele uChris Gande weStudio 7 ngobunzima obubhekane lozulu ngalesi sikhathi umnotho welizwe usubhidlika kangaka.
