amalinks wokungena

Breaking News

I EU Ikhuthaza UMugabe Ukuthi Asuke Embusweni


Umanyano weEuropean Union (EU) lamuhla wethulele iziphathamandla zebandla leZanu PF ezilitshumi lanye izijeziso zenotho -- njalo wakhuthaza uMongameli Mugabe ukuthi asuke embusweni.

Kuleziphathamandla zaleli bandla ezilikhulu lamatshumi ayisithupha, 160 ezivele zikuluhlu lwezijeziso zeEU. Lokhu kutsho ukuthi iziphathamandla ezikuluhlu lolu sezingu - 171.

I EU yethesa uhulumende kaMongameli Mugabe umlandu wokuhlukumeza uzulu weZimbabwe lokubangela udubo olukhona ngokwehluleka ukubusa kuhle kakhe.

Inkuthazo ye EU eyokuthi sokumele ukuthi uMugabe atshiye umbuso iza sokulenhlokomo emhlabeni jikelele yokuthi ngempela seyehlulekile uMugabe.

Kodwa uMnu Richard Ndlovu, oyisiphathamandla seZanu PF, uthi uMugabe kayi ndawo njalo izijeziso ze EU lezi kazitsho lutho kubandla lakhe.

Ngakwelinye icele, ingcwethi ecubungula ezombusazwe uMnu Mlamuli Nkomo uthi ngempela sokuyisikhathi sokuthi uMugabe asuke embusweni ngoba okukahulumende womanyano sokwehlule.

Ezinye indaba zeStudio 7...

‚Äč
XS
SM
MD
LG