amalinks wokungena

Breaking News

Ukuthunjwa Kwabalembono Ehlukene Lekahulumende Kuqhubekela Phambili


Ibandla leMDC elikhokhelwa nguMnumzana Morgan Tsvangirai lethule umbiko othi kulabasekeli balo abayisithupha abathunjwe esigabeni seManicaland kuyonale iviki. AbeMDC laba bathunjwe ngabantu abacatshangelwa ukuthi zinsoli zikahulumende.

Lokhu kulandela ukuthunjwa kukaNkosazana Jestina Mukoko umqondisi wenhlanganiso ye Zimbabwe Peace Project, ngeviki edluleyo. NgoMvulo kuphinde kwathunjwa izisebenzi zalinhlanganiso ezimbili, uMnumzana Pascal Gonzo loMnumzana Broderick Takawira, lowayesebenzela emahofisini kaMnumzana Morgan Tsvangirai umkhokheli weMDC, uMnumzana Ghandi Mudzingwa.

Ngeviki edluleyo kuthunjwe uMnumzana Zacharia Nkomo umnewabo wegqwetha elilwela ilungelo loluntu uMnumzana Harrison Nkomo. Bonke laba abathunjiweyo abaziwa ukuthi bangaphi. UBrenda Moyo weStudio 7 ukhulume loMnumzana Harrison Nkomo othi umnewabo sebemdinge baze badela.

Kunjalo nje, icele leMDC elikhokhelwa nguMnu. Morgan Tsvangirai lithi ukuthunjwa kwabasekeli balo sekutshengise mgceke ukuthi lelibandla kalifuni ukuthi kubunjwe uhulumende womanyano. Umsekeli kaMongameli walelicele, uNkosazana Thokozani Khuphe utshele uChris Gande weStudio 7 ukuthi kusasa lelibandla lilomhlangano omkhulu weNational Executive eHarare ozacubungula indaba ezigoqela ukuguqulwa kwesisekelo sombuso okwetshumi lasithoba munwe munye lokuthunjwa kwabasekeli balo.


Ezinye izindaba zeStudio7 …

XS
SM
MD
LG