Amalunga ogatsha lwezomvikela enhlanganisweni yomanyano wamazwe womhlaba eye United Nations
ahlangane ngoMvulo ehlaziya udaba lweZimbabwe. Amalunga la, agoqela iMelika
leBhilithani abe khangelelwe ukuphatha njalo udaba lokungezwani phakathi kwePalestine le Israel.
Iziphathamandla zeMelika zithi zifuna iUnited Nations ithathe amanyathelo aqinileyo udaba lweZimbabwe lulungisiswe. Zithi udaba lokudonselana phakathi kweMDC leZanu PF phezu kodaba lokwabelana izikhundla zedale lecabinet kumele lulungisiswe kubunjwe uhulumende aqalise ukulwisana lendubo zonke ezikhona uzulu abhekane lazo.
Kodwa uhulumende uthi iSecurity Council ayilalo ilungelo lokuthi iphathe udaba lweZimbabwe. Ingcwethi ecubungula ezombusazwe uMnu Immanuel Ndlovu uthi kufanele ukuthi udaba lweZimbabwe luphathwe yiUN njengoba okwenzakala elizweni kulakho ukuphazamisa ukuthula e Africa.
