Uhulumende weSouth Africa uselandule imibiko ephuma kweleZimbabwe yokuthi iSouth Africa isinikeze iZimbabwe uncedo lwemali yezokulimisa efika 300 Million Rands. UMnumzana Thabo Masebe isikhulumi sikaMongameli Kgalema Montlante uthi uncedo lolu olugoqela inhlanyelo, imvundiso yamafertiliser lokunye okokulimisa izanikwa iZimbabwe kuphela nxa sokubunjwe uhulumende womanyano phakathi kwamacele omabili eMDC lebandla leZANU PF.
UBrenda Moyo weStudio7 ukhulume lengwethi kwezokulima engumsekeli wesikhulumi secele leMDC elikhokhelwa ngumnumzana Arthur Mutambara, uMnumzana Renson Gasela othi uncedo lolu soludlulwe yisikhathi njengoba ilizwe seliphakathi kwesikhathi sokulima, uhulumende womanyano lo engakabunjwa.
