Obona ngokwenzakala kuzwekazi le Africa kuhulumende weleBhilithane uMnumzana Malloch Brown usechothoze uMongameli Robert Mugabe esithi nguye osephazamisa ukubunjwa kukahulumende womanyano.
Lokhu
kulandela amazwi kaNkosazana Jendayi Frazer obona ngendaba zokudlelana
kweMelika lamazwe ezwekazi leAfrica, othe uhulumende weMelika
kasoze aphe usekelo kuhulumende womanyano weZimbabwe nxa uMugabe ekulo
uhulumende.
Kodwa Ingcwethi ezicubungula ezombusazwe zithi insolo kaMugabe evela emazweni agoqela iMelika leBhilithane yiyo enika uMugabe ulaka olumenza engafuni ukutshiya isikhundla. UBrenda Moyo WeStudio7 ukhulume loMnumzana Walter Nsununguli Mbongolwane othi uMugabe ukubona kuqakathekile ukumelana lamazwe la kulokulungisisa okonakeleyo elizweni.
