amalinks wokungena

Breaking News

UNkosazana Mukoko Otholakale Emapholiseni NgolweSibili Umiswa Phambi Komthethwandaba


Umkhokheli wenhlanganiso yeZimbabwe Peace Project (ZPP) uNkosazana Jestina Mukoko, yena othunjwe ekuqaleni kukaMpalakazi umiswe phambi komthethwandaba ngolweSithathu kanye lamalunga eMDC ayisitshiyagalombili athunjwe endaweni ezehlukeneyo zelizwe besetheswa umlandu wokufuna ukugenqula uhulumende kaMongameli Mugabe.

Icala labo lidluliselwe phambili. Bazaphindela emthethwandaba mhlaka 29 Mpalakazi. Okwakathesi balokhu besezandleni zamapholisa. Bengatholakala belecala, uMukoko labanye bakhe balakho ukugwetshelwa ugodo.

Amagqwetha alwela ilungelo loluntu asola kakhulu ukubotshwa kwabantu laba esithi yindlela yokwethusela uzulu yiZanu PF. UMukoko ubeselamaviki amathathu engaziwa ukuthi ungaphi njalo amapholisa elandula ukuthi usezandleni zawo

Abanye abasiwe emthethwandana bagoqela isisebenzi se ZPP uMnu Broderick Takawira, abe MDC, uMnu Manuel Chinanzvavana lomkakhe uConcillia labanye. Umnewabo wegqwetha elilwela ilungelo loluntu uMnu Harrison Nkomo, uMnu Zacharia Nkomo laye othunjwe kumaviki amathathu edluleyo ubikwa egcinwe esitokisini seStodart, eMbare eHarare.

UBrenda Moyo WeStudio7 ukhulume loMnu Harrison Nkomo othi njengemuli bajabule ukuzwa ukuthi u Zacharia uyaphila kodwa uthi badaniswe yikuthi amapholisa ayalile ukuthi bambone.

Ngakwelinye icele, igqwetha elilwela ilungelo loluntu uNkosazana Anna Moyo usole kakhulu ukubotshwa kukaMukoko labanye bakhe esithi badingelwa amacala abangawaziyo njalo abangawadalanga

Ezinye Indaba ZeStudio7...

‚Äč
XS
SM
MD
LG