Umdlali weNjube Sundowns uEvans Chikwaikwai nguye onikezwe isicoco seSoccer Star of the Year lonyaka emidlalweni ye Premier Soccer League, kuthi umqeqetshi waleli qembu uPhilani Ncube wanikwa isicoco somqeqetshi oqeqetshe kakuhle kakhulu.
U Edward Sadomba weDynamos loCuthbert Malajila weHighlanders babe ngama runners up ka Chikwaikwai, yena uthole umvuzo we US$3, 100 emkhosini oqhutshelwe eHarare ngolweSibili.
I Njube Sundowns idlale kuhle kakhulu lonyaka njalo iqgibe imidlalo ihlezi kuhlandla lesithathu kungalane yemiklomelo. Ingcwethi kwezemidlalo uThemba Moyo utshele uNtungamili Nkomo weStudio 7 ukuthi iqembu leli liyathembisa ukuthi lingaba zintshantshu zePSl ngelinye ilanga lingaqhubeka lidlala kuhle.
