Umantshi uNkosikazi Olivia Mariga lamhlanje unqume ukubana kumele kuhlolisiswe ukuthi abasekeli bebandla lemdc abayisikhombisa abetheswa icala lokubhombha inkamba bahlukuluzwa okunganani njalo ngobani. UMariga uthe lokhu kumele kwenziwe umhlaka 23 walinyanga ungakafiki. Lesi sinqumo usenze ngemva kokubana amagqwetha amela laba bantu abagoqela uMnu Ghandi Mudzingwa owayesebenza ehofisini kaMnu. Morgan Tsvangirai lentathelizindaba uShadreck Manyere ethule isicelo sokubana kumele laba bantu bengathoniswa ngoba bathunjwa bahlukuluzwa. UChris Gande weStudio 7 uxoxe lentathelizindaba yethu, uMark Peter Nthambe obesemthethwandaba.
